成日講香港有土地問題，唔只講年輕人上車問題，其實一樣導致無乜正規、符合國際賽基本要求嘅場館，外隊好多時寧願去澳門搞比賽，特別係籃球。
喺澳門，以前試過有美國夢幻隊，或者一啲傳奇明星賽。近兩年就有Asia League(亞洲夏季聯賽)，非凡12以及超級8。上年要做直播所以留喺香港評述，未有機會過去現場，今年多謝大會邀請終於可以現場見證日本B-League球會、中國CBA同韓國K-League 等等較量。
首爾閃電今季缺少咗韓國歸化名將韋列夫，內線實力打折扣，季軍戰同首度參賽嘅名古屋鑽石海豚爭，好彩有外援控衛獨取34分7籃板5助攻，同埋韓國著名得分手李官希有好表現，幫球隊贏105:92。
無疑外援主宰球賽，喺冠軍戰廣州龍獅嘅Fogg 強轟40分，仲有明顯發福不少嘅廣州龍獅嘅前NBA勇士總冠軍成員M. Speights得9分12籃板，但都阻唔到日本歸化兵Ira Brown帶領嘅琉球皇金帝王奪冠，；
今次亞洲夏季聯賽分咗非凡12冋超級8，簡單嚟講可以用有外援同無外援嚟分別，睇見賽事愈搞愈好，球隊實力愈嚟愈多愈強，仲要咁近香港，球迷的確係多咗個選擇，希望來年可以見到受傷缺陣嘅富樫勇樹打啦。
Btw 阿Mo真係好大份，好難想像Oneal 全盛時期係會點......
Miss 咗直播嘅可以去返 Asia League 或
官網 https://www.theasialeague.com 睇詳情
#非凡12 #亞洲夏季聯賽 #超級8
Search